Rritet në 38 numri i personave të prekur nga koronavirusi në vend, nga 33 që ishte një ditë më parë.
Albana Fico, Drejtore e IShP, deklaroi se “në 24 orët e fundit, nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për identifikimin e rasteve dhe për gjurmimin e kontakteve të rasteve të konfirmuara tashmë me Covid-19. Deri në këto momente janë testuar 505 raste të dyshuara dhe prej tyre janë të konfirmuar pozitivë me COVID-19, 38 raste”.
Të prekurit
Nga rastet e konfirmuara pozitivë:
- Tiranë 22 raste
- Durrës 5 raste (njëri prej të cilëve ka ndërruar jetë)
- Lushnje 2 rast
- Elbasan 2 raste
- Fier 5 raste
- Rrogozhinë 2 raste
Prej tyre:
- 12 janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina)
- Dy prej tyre janë në terapi intensive, një 66-vjeçar nga Lushnja dhe një 61-vjecare nga Fieri.
- Ndërsa pjesa tjetër e të shtruarve në pavion janë në gjendje të stabilizuar deri në këto momente.
Apeli
“Dua t’ju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur”, apeloi Fico.
