Bruno Fernandes mbërriti te Manchester United gjatë merkatos së janarit ndërsa ka pasur një efekt pozitiv të menjëhershëm në rezultatet e skuadrës.
Në derbin kundër Man.City-t, portugezi ishte në një formë fantastike, duke ndihmuar skuadrën të arrinte fitoren me rezultatin 2-0. Ndërsa së fundmi në një deklaratë të dhënë për rrjetin britanik “Sky Sports”, ai ka zbuluar një fakt interesant dhe arsyen pse i kërkoi Guardiolës të mbyllte gojën gjatë sfidës.
“Më provokonte në të gjitha mënyrat dhe mu desh ta bëja atë gjest. Disa mendojnë se Pep ka fituar gjithçka dhe unë jam askushi për të ofenduar atë, por e gjitha ka të bëjë me respektin”.
“Tani që mendoj jashtë fushës së lojës, nuk do ta bëja përsëri. Por në atë moment fjalët që më tha më xhindosën, dhe në fushën e lojës jam paksa nervoz, kështu lojtari jam”.
“Kam respekt për Guardiolën për ato çfarë ka fituar, por në atë moment ai nuk e meritoi respektin tim”.
