Sulmuesi i Juventusit, Cristiano Ronaldo ka diskutuar për pandeminë e coronavirusit dhe ka shprehur mbështetjen e tij për të gjithë personat e prekur dhe për shokun e tij të skuadrës, Rugani.
Në mesazhin e tij të shpërndarë në rrjetet sociale, Ronaldo thekson se është shumë e rëndësishme të ndiqen të gjitha këshillat e dhëna nga organet përkatëse dhe të mos neglizhohet asgjë.
“Bota po kalon momente të vështira e cila kërkon vëmendje maksimale nga të gjithë ne. Ju flas sot, jo si lojtar futbolli, por si bir, baba dhe qenie njerëzore i cili është i shqetësuar me zhvillimet e fundit që po prek gjithë botën”.
“Është e rëndësishme që të gjithë të ndjekim këshillat e OBSH-së dhe qeveritë përkatëse rreth mënyrës se si ta përballojmë situatën aktuale. Mbrojtja e jetës njerëzore duhet të jetë mbi të gjitha interesat. Mendimet e mia janë me të gjithë ata që kanë humbur dikë afër tyre, për ata që po luftojnë virusin si shoku im i skuadrës Daniele Rugani”.
“Mbështetjen time kanë gjithashtu edhe profesionistët të cilët rrezikojnë jetët e tyre për të shpëtuar të tjerët”. – ka thënë Ronaldo.
Aktualisht Ronaldo ndodhet në karantinë në vendlindjen e tij në Madeira, ku pret dhe qetësimin e situatës.
