Koronavirusi ka mbërthyer mbarë botën. Numri i të infektuarve ka arritur 128.392 ndërsa numri i vdekjeve ka shkuar në 4728.
Në Shqipëri deri më tani janë 33 raste të konfirmuara me Koronavirus dhe 1 ka ndërruar jetë. Qeveria ka marrë masa të shumta për parandalimin e përhapjes së virusit.
Aktori i humorit Ermal Mamaqi ka ndarë me ndjekësit e tij në Instagram me 17 gjërat që sipas tij na mësoi pandemia e Koronavirusit.
- Në kohën e fast food dhe ushqimeve të paketuara, koronavirusi na rikujtoi të hamë shëndetshëm.
- Kujtuam se higjena mbahet për veten dhe të tjerët.
- Po mësojmë të dallojmë nevojat e vërteta nga trended dhe kultura e konsumizimit.
- Ritmi I shpejtë I jetës u ndërpre dhe po ri-mësojmë vlerën e kohës.
- Po I rikthehemi leximit
- Duke ndenjur në shtëpi u detyruam të luajmë sërish dhe të kuptojmë vlerën e lojës për mirëqënien tonë mendore dhe emocionale.
- Të mbyllur në shtëpi dhe me më shumë kohë në dorë, po I rikthehemi pasioneve tona.
- Në kohën kur të gjithë ndjekin kenqaësitë e shpejta, po I rikthehemi kënaqësive të vogla.
- Po detyrohemi të bëhëmi kreativ.
- Po rikujtojmë rëndësinë e të kaluarit kohë me familjen si gjëja më e rëndësishme.
- Po mësojmë kuptimin e vërtetë të altruizmit, sakrificës dhe përgjegjësisë ndaj të tjerëve.
- Rikthyem sytë nga moshat e treat që I lemë shpesh në harresë dhe kuptuam se duhet ti ruajmë si thesare.
- Në një botë ku adhurohen VIP-at, futbollistët dhe modelet, u kujtuam se shkencëtarët janë heronjtë tanë bashkë me policët, mjekët etj.
- Po kuptojmë se vetëm edukimi mund ta shpëtojë botën.
- Po mesojmë të lëmë mënjanë diferencat për të mirën e të gjithëve.
- Si brez I internetit që nuk dimë as të lexojmë një busull, po kuptojmë se duhet të kultivojmë tek vetja dhe fëmijët tanë aftësi bazike mbijetese.
- Po njohim kush janë idiotët mes nesh.
