Bruno Fernandes ka luajtur vetëm tetë ndeshje me Manchester United, por në “Old Trafford” ai tashmë është ndër futbollistët më popullorë.
Mesfushori portugez, i ka dhënë frymëmarrje mesfushës së “Djajve”, duke rritur nivelin e çdo lojtari tjetër në fushën e lojës, duke ndihmuar kështu skuadrën në luftën për një vend në Ligën e Kampioneve.
Me tre gola dhe tre asiste në 8-të ndeshje, aventura e tij në klub nuk mund të niste më mirë. 25-vjeçari nuk ka humbur asnjë ndeshje me klubin e ri, ndërsa me Marcus Rashford të dëmtuar ai është lideri i ri i skuadrës.
Formën fantastike të Fernandes e ka komentuar edhe Solskjaer, i cili ka deklaruar: “Fernandez pëlqen të marrë rreziqe, ka kurajo të madhe. Mbi të gjitha punon shumë, ka dëshirë të madhe dhe përkushtim, ai thjesht ka faktorin X”.
Përpara e të bashkohej me Manchester United në janar, Fernandes pati shënuar 14 gola dhe kishte dhënë 10 asiste për Sportingun, formë që po e shfaq edhe në Angli.
