COVID-19 ka detyruar vendet të mbyllin qytete dhe rajone të tëra ndërsa autoritetet përpiqen të ndalojnë përhapjen e virusit. Që kur coronavirus u shfaq për herë të parë në Kinë në dhjetor, ka vazhduar të vrasë 4,284 njerëz.
Por, a mund të merrni koronavirus nga seksi?
Tabloidi britanik “express.co.uk” citon Qendrën për Kontrollin dhe Parandalimin e Sëmundjeve (CDC) që thotë se koronavirusi përhapet kryesisht nga personi në person, veçanërisht kur njerëzit janë në kontakt të ngushtë me njëri-tjetrin. Kontakti i ngushtë përcaktohet si brenda gjashtë “feet” (rreth 1.89m) me njëri-tjetrin.
Virusi mund të kontaminojë të tjerët përmes pikave të frymëmarrjes kur një person i infektuar kollitet ose teshtit. Kështu virusi mund të zbresë në gojët ose hundët e personave të tjerë që janë afër ose mund të thithet në mushkëri. Të infektuarit mendohet se janë më ngjitës kur janë më simptomatikë. Ka pasur raste kur virusi është përhapur përpara se njerëzit të tregojnë simptoma, por kjo nuk mendohet se është mënyra kryesore e përhapjes së tij.
Po kur bëhet fjalë për të bërë seks?
Ne e dimë se virusi është i pranishëm në pikat e frymëmarrjes dhe për shkak të kësaj, vende si Franca kanë dekurajuar njerëzit që të puthen në faqe. Të puthësh partnerin, natyrisht, është më intime sesa puthja në faqe. Supozimi natyror është që, pra, një person i infektuar me koronavirus ka të ngjarë t’iu infektojë me COVID-19 dhe ju në rastet e kontakteve të tilla të afërta. Kristin Englund, i departamentit të sëmundjeve infektive në Klinikën Cleveland, tha: “Në këtë pikë, ne nuk i dimë këto detaje specifike.”
Megjithatë ekspertët janë të ndarë. Lidhur me temën kanë raportuar dhe mediat italiane, një nga vendet më të prekura me koronavirus. Sipas disa ekspertëve, rreziku është i lartë në rastet e një kontakti të afërt me fytyrë. Megjithatë bien dakort se deri tani nuk ka prova që koronavirusi përhapet me anë të lëngjeve të trupit. Të tjerë e këshillojnë raportin intim duke argumentuar se rrit imunitetin, por me partnerin tuaj në shtëpi dhe në asnjë rast me partnerë të rastësishëm.
