Nga Dritan Kaba
Qindra mijëra njerëz që nuk punojnë dot kush ua paguan rrogën?
Mos rri duke bërë gjithologun, kot më kot, ekran më ekran, por merr masa të garantosh rrogën minimale për njerëzit që nuk shkojnë dot në punë!
Nuk kanë më çfarë të hanë dhe të plotësojnë nevojat e tyre!
Për këto duhet të mendohesh e t’i japësh zgjidhje, jo të na bësh leksione boshe!
Janë mijëra të tjerë që nuk do lëvizin edhe nuk krijojnë të ardhura për të mbajtur frymën gjallë!
Duhet t’i garantosh pagesën. Mblidh qeverinë edhe nxirr urdhër për të garantuar pagat e sektorit privat, se do vdesin njerëzit për bukë!
O alimfatrak! Mjaft më me shfaqje!
Hiq pagesat e koncensioneve dhe garanto pagesën për qytetarët!
Hiq taksat lokale, tatim fitimin edhe pezullo pagesat e detyrimeve në shtet!
Ndalo dhe anullo gjobat dhe pagesat e parkimeve, se nuk kanë ku të lëjnë njerëzit makinat.
Merr vendime që duhet të marrë një qeveri e përgjegjshme, për qytetarët e saj, mos jep këshilla praktike si emision higjene!
Bllokon të gjitha makinat private, kur as në Lombardi që është qendra e epidemisë në Evropë nuk janë ndaluar.
Po për të shkuar në urgjencë tek një i afërm që është në hall, po një varrim larg qoftë me çfarë do e çojnë njerëzit apo ta varrosë bashkia?!
Me çfarë do ikin mjekët, infermierët, bukëpjekësit, farmacistët, njerëzit që shërbejnë në punë nëse bllokon lëvizjen, me balonë?!
Merr masa sa më shpejt për ekonominë! Garanto pagesat për punonjësit që marrin pagë deri në 35 mijë lekë, se një ditë punë e munguar, e papaguar për ta dhe fëmijët e tyre, është një ditë pa bukë!
Këshillat praktikë i japin mjekët, ti ke detyrim të japësh zgjidhje, jo leksione!
