Liverpooli kampionia në fuqi e Ligës së Kampioneve dhe e konsideruar si skuadra favorite edhe për këtë sezon është eliminuar që në fazën e 1/16-ve të kompeticionit.
Në lidhje me këtë rezultat, Jurgen Klopp, pas ndeshjes ka shfaqur trishtimin e tij dhe gjithashtu gjermani shpreh habinë për mënyrën e lojës së Atleticos së Madridit, e drejtuar nga Diego Simeone.
“Ishte kaq e vështirë të luaje ndaj një kundërshtari si ky. Unë nuk e kuptoj futbollin që luan Atletico Madrid, me cilësinë që ka. Ata mund të luanin futbollin e duhur, por qëndrojnë thellë dhe aplikojnë kundërsulmet. Nuk ndihem mirë sonte”.
“Unë e kuptoj që jam një humbës, më vjen me të vërtetë keq, veçanërisht kur djemtë bënë një përpjekje të tillë kundër lojtarëve të klasit botëror nga ana tjetër, që mbrojnë me dy rreshta nga katër lojtarë. E dimë që në dy vitet e fundit kemi pasur disa momente me fat në Ligën e Kampionëve. Sonte ishte gjithçka kundër nesh, në momentet vendimtare”.
