Mateus Frroku, i ftuar në emisionin “Glamour Zone” në TV ORA, ka rrëfyer dhe zënkën me Aurela Gaçen. Pasi konsumoi disa gota shampanjë në limuzinë, Mateusi theksoi se kishte dhe persona të tretë në mes.
Ester Bylyku: Dua të më tregosh, një person, dy persona apo sa të duash ti, të showbiz-it shqiptar, që ti mund të kesh patur një konflikt apo një mospëlqim. Përse jeni konfliktuar?
Mateus Frroku: 6 vite më parë, shpirti im ka qenë në flake. Atë kohë punoja në një lokal nate në Tiranë, që ishte një nga eksperiencat e mia më te bukura artistike. Vendosa në një moment të jetës time të rrezikoja me karrierën time dhe të largohesha nga ai lokal. Kjo u interpretua në mënyra të ndryshme.
Pas disa kohësh, unë mendoja që në këtë lokal unë isha në shtëpinë time, ndodhi dicka që nuk duhej të ndodhte, me një person… që sot nuk është e drejt ta them me kë. Por kjo, bëri që në atë periudhë të kisha disa kontakte me mesazhe dhe një marrëdhënie të lënë me një pikëpyetje në mes, me njeriun që realisht më ka ndezur shpirtin ne flakë që quhet Aurela Gaçe.
Ndodhi diçka që u keqkuptua dhe Aurela duke qenë bashkë me vëllezërit korçarë liderat e atij lokali, pati një komunikim me mua që për hir të vërtetës nuk ka qenë e udhës të bëheshe me mesazhe. Por takimet e fundit me Aurelën ka qenë me energji shumë të mira pozitive duke lënë mbrapa atë që ka ndodhur dikur.
