Ilir Allkja, mjek në Urgjencën e QSUT ka njoftuar përmes një videoje në Facebook se është futur në karantinë fill pasi kishte vizituar tre pacientë të dyshuar bartës të koronavirusit. Mjeku thotë në video se shkoi pa veshjet speciale për të vizituar tre pacientë dhe rrjedhimisht dyshon se është infektuar edhe vetë. Ndër të tjera ai thotë se mjekët po dërgohen në raste të dyshimta pa veshjet speciale dhe kjo ka gjasë të çojë në kolaps të Sistemit Shëndetësor nëse nuk merren masa.
Postimi
Unë sot personalisht jkam i vetëkarantinuar derisa të konfirmohet gjendja ime shëndetyësore, pasi mbrëmë kam vizituar tre pacientë të dyshuar me COVID 19 pa veshjen speciale. Me dëshpërim kam konstatuar se njësia e koordinimit të urgjencave mjekësore po na dërgon në raste që na i paraqesin si neurologjike apo gastronetorologjike, ndërkohë kur ankesa kryesore e pacientëve ka qenë temperatura dhe vështirësia në frymëmarrje, raste të dyshuara me COVID 19.
Kemi shkuar atje me maske kirurgjike ndërkohë që duhej të shkonim me veshje të posaçme. Kam një thirrje për kolegët e Koordinimit të Urgjencave Mjekësore dhe drejtorin Skëndër Brataj: Kërkoni dhe pyesni nëse pacientët kanë temperaturë dhe simptoma të koronavirus. Ju lutem na nisni me veshje speciale për çdo rast të dyshuar”.
