Ka nisur mësimdhënia online pas mbylljes së shkollave si masë për mospërhapjen e COVID-19.
Leksionet, nxënësit mund ti gjejnë në faqen online të Ministrisë së Arsimit në YouTube.
Një ditë më parë, ministrja Besa Shahini prezantoi dhe platformën mësimore Akademi.al.
“900 leksione në matematikë dhe shkenca, për klasat 6-12, i gjeni në platformën mësimore Akademi.al”, shprehej ajo ndërsa i bën thirrje nxënësve të regjistrohen sa më parë dhe t’i aksesojnë leksionet në këtë platformë.
“Regjistrohuni sa më parë dhe aksesojini ata. Nëse keni pyetje, na shkruani këtu. Paralelisht, pyetjet më të shpeshta që nxënësit kanë për leksione të caktuara, do t’i adresojmë me video të reja nga mësuesit dhe do të publikohen këtu”, nënvizoi Ministrja Shahini
