Kancelarja gjermane, Angela Merkel përsëriti në një konferencë për shtyp atë që u kishte thënë një ditë më parë deputetëve të partisë së saj.
Ajo tha se mbi 70 përqind e popullsisë së vendit mund të infektohet nga koronavirusi.
Ajo tha se meqë nuk ka asnjë kurë të njohur, fokusi do jetë te ngadalësimi i shpërndarjes së virusit. “Duhet të fitojmë kohë,” shpjegoi ajo.
“Përsa kohë situata është kështu dhe nuk kemi popullsi imune, deri në 70 përqind e njerëzve do infektohen nga virusi”, tha kancelarja.
“Uroj që ta kalojmë këtë provë”, tha Merkel.
