Moti për ditën e sotme (e martë, 10 mars) rezervon surpriza. Sipas Meteoalb, mbetet në ndikimin e alternimeve të kthjellimeve e vranësirave kalimtare gjatë pjesës së parë të ditës, por pasditja sjell shtim të vranësirave në zonat jugore duke gjeneruar shira afatshkurtër, ndërsa pjesa tjetër e vendit vijon me kthjellime.
Temperaturat e ajrit mbeten të pandryshuara në vlerat minimale por rriten në ato maksimale duke luhatur vlerat ditore nga -2°C deri në 18°C.
Era do fryjë mesatare me shpejtësi deri në 35 km/h nga drejtimi veriperëndimor duke gjeneruar brigjet detare dallgëzim 3 ballë.
