Një 25-vjeçar ka mbetur i plagosur mbrëmjen e djeshme në Durrës pas një konflikti për motive të dobëta me një 56-vjeçar.
Autori i plagosjes, shtetasi P. B., 56 vjeç, banues në Durrës, është vënë në pranga nga policia.
“Ky shtetas, më datë 09.03.2020, në lagjen nr. 16, Durrës, pas një konflikti për motive të dobëta, ka goditur me mjet prerës (thikë), në pjesën e gjoksit, shtetasin A. N., 25 vjeç, banues në Durrës, i cili ndodhet në spital nën kujdesin e mjekëve” -thuhet në njoftimin e policisë.
Materialet i kaluan Prokurorisë së Rrethit Gjyqësor Durrës, për veprat penale “Vrasja me dashje, e mbetur në tentativë” dhe “Mbajtja pa leje e armëve të ftohta”.
