Policia kufitare e Kakavijës ka arrestuar një 49-vjaçar i cili prej vitit 2018 ishte në kërkim nga uniformat blu për veprën penale “Trafikim i lëndëve narkotike”.
Personi i vënë në pranga është vlonjati me iniciale A.K..
Gjykata e Shkallës së Parë Gjirokastër i ka caktuar masën e sigurisë “Arrest në burg”, për veprën penale “Trafikim i lëndëve narkotike”.
Ngjarje e ndodhur në 22 prill të 2018-tës, ku shtetasi i mësipërm, duke qenë drejtues autobusi i një linje me shtetin grek, ka tentuar të trafikojë në shtetin grek, 1 kg lëndë narkotike kokainë. Ky shtetas, në momentin e kontrollit nga Policia, ka braktisur autobusin dhe është larguar në një zonë të pyllëzuar në territorin e doganës greke.
Gjithashtu policia e Kakavijës ka arrestuar dhe një person tjetër i cili ishte shpallur në kërkim. Bëhet fjalë për shtetasin D. V., 42 vjeç.
Gjykata e Rrethit Gjyqësor Sarandë, muajin e kaluar, për këtë shtetas, ka caktuar masën e sigurisë në mungesë, “Arrest në burg”, për veprën penale “Dhuna në familje”.
