Këshilli i Lartë Gjyqësor ka marrë vendimin që të pezullojë për një periudhë dyjavore veprimtarinë dhe shërbimet gjyqësore në të gjitha gjykatat e vendit, të juridiksionit të përgjithshëm dhe të posaçëm
Ky vendim është marrë për shkak të situatës së krijuar nga koronavirusi dhe kjo masë merret për ta parandaluar përhapjen e këtij virusi vdekjeprurës.
Nga ky vendim përjashtohen veprimtaritë dhe shërbimet gjyqësore që lidhen me çështje me natyrë të ngutshme, të vlerësuara si të tilla nga gjyqëtari. Gjithashtu nga ky vendim përjashtohen dhe seancat në të cilat janë kërkuar ose zbatuar masat e sigurisë me burg dhe kur të arrestuarit, të pandehurit ose mbrojtësit e tyre kërkojnë që të vijojnë me shqyrtimin e tyre.
Por në çdo rast duhet të shmanget prania e publikut në seancat gjyqësore.
