Ministria e Shëndetësisë, nëpërmjet një njoftimi zyrtar për mediat, bën me dije se janë konfirmuar dy rastet e para të importuara me koronavirus në Shqipëri.
Më tej, MSH bën me dije se bëhet fjalë për babë e bir, të cilët kanë udhëtuar nga Firence në Tiranë. Gjendja e tyre mësohet se është e stabilizuar dhe nuk paraqesin komplikacione.
“Strukturat tona të urgjencës kombëtare dhe ISHP janë duke ndjekur protokollin klinik dhe epidemiologjik për të dy rastet.”-bën me dije Ministria e Shëndetësisë.
Njoftimi i plotë:
Konfirmohen dy raste të importuara me COVID-19 në Shqipëri.
Gjendja e dy të prekurve babë e bir që kanë udhëtuar nga Firence në Tiranë është e stabilizuar dhe nuk paraqesin komplikacione.
Strukturat tona të urgjencës kombëtare dhe ISHP janë duke ndjekur protokollin klinik dhe epidemiologjik për të dy rastet.
MSHMS përsërit thirrjen për qytetarët që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr.127, ku mjekët tanë do t’i përgjigjen çdo rasti.
