Nuk priten reshje intensive dhe kushtet e moti po shkojnë drejt përmirësimit.
Sipas Meteoalb, vendi ynë sot (e hënë, 9 mars) në pjesën më të madhe të ditës do të jetë me kthjellime dhe vranësira kalimtare, ku në zonat jugore vranësirat do të sjellin reshje të pakta. Por në vijim parashikohet përmirësim i kushteve të motit dhe në këto zona.
Temperaturat e ajrit do të ulen në mëngjes, por rriten në mesditë duke luhatur vlerat minimale dhe maksimale nga -2°C deri në 17°C.
Era do fryjë e lehtë në tokë dhe mesatare në det me shpejtësi 35 km/h nga drejtimi verior-veriperëndimor duke krijuar dallgëzim 3 ballë.
