Reshjet e shiu do të vazhdojnë edhe në këtë ditë të fundit të javës. Sipas MeteoAlb, vendi ynë deri në mesditën e sotme (e dielë, 8 mars) do të jetë me vranësira të shpeshta dhe reshje shiu, ku në zonat malore pritet të ketë reshje të pakta dëbore.
Por orët në vijim do të përmirësojnë gradualisht kushtet atmosferike në territor.
Temperaturat e ajrit të ulen në mëngjes, por rriten në mesditë duke luhatur vlerat nga -1°C deri në 16°C.
Era do të fryjë e lehtë në tokë dhe mesatare në det me shpejtësi 40 km/h nga drejtimi Jugor – Juglindor duke krijuar dallgëzimin 4 ballë.
