Sot më datë 8 Mars , ne vajzat e lëvizjes Reago, në këtë qëndrim tonin simbolik, kemi menduar të japim shembullin e jetës së përditshme të një gruaje.
Një grua nuk është thjesht një grua. Një grua është aty ku jeta nis dhe përfundon.
Një grua jeton dhjetra jetë brenda një dite, pa u ankuar, por duke u dhënë trajtë dhe formë çdo pengese e duke zgjidhur çdo problem.
Një grua zgjohet më parë se të gjithë, mendon për të gjithë. Por një grua nuk ka kohë të ankohet, një grua vrapon dhe vrapon drejt ditës dhe jetës .
E pikërisht sot, si për tu kujtuar e për ta falenderuar në të vetmen ditë që i dedikohet asaj, ne kemi zgjedhur ti japim kurajo.
Jeta nuk do të kishte kuptim pa ju, pa ne. Kurajo për forcën e pashtershme , për punën e palodhur, për dashurinë e pakufi. Nënë, grua, bashkëshorte , motër, bijë. E dikujt, e secilit prej nesh.
Mos harro kurrë se fillimisht jemi dikushi. Jemi njerëz . Dhe gruaja është forca qe mban gjallë njerëzimin. Faleminderit. Jo vetem në 1 dite! Gëzoni për jetën, çdo ditë , jo vetëm në 8 Mars !
