Propaganda është një nga aftësitë që “Rilindja” mund të fitojë edhe medalje në fund të qeverisjes së saj, edhe pse ajo sa vjen e bëhet më e shëmtuar.
Veprimtaritë të shoqëruara me foto cilësore nga fotografë profesionistë janë objektivi i tyre çdo ditë, ndonjëherë duke provuar edhe aftësitë e tyre.
Pak kohë më parë, Sandër Lleshi urdhëroi që fëmijët, shkollat e të cilëve janë në rrugët kryesore të shoqërohen nga efektivë policie, qofshin bashkiakë apo të shtetit. Kjo do të rriste më tepër sigurinë e nxënësve dhe mirë mirë-qarkullimin e makinave në rrugë.
Menjëherë pas kësaj u shpërndanë edhe disa foto ku policë të Lleshit dhe Veliajt shiheshin duke shoqëruar nxënësit për në shkollë të kapur prej dore. Mirëpo një qytetar ka parë diçka ndryshe nga ajo që propagandohet. Fëmijët shoqërohen në shkollë vetëm për një foto, e cila postohet në Facebook dhe na krijon imazhin e punës së palodhur, por që në fakt është një fasadë e shëmtuar.
Sipas një videoje të mbërritur në redaksinë e JOQ ALBANIA, shihet qartë sesi dy policë të Veliajt, “vënë në skenë” fotot e çastit me fëmijët që shkojnë në shkollën Sabaudin Gabrani, dhe më pas lagohen me makinën e tyre.
Qytetari shprehet se ata kanë ndenjur vetëm 1 minutë aty, aq sa bënë foton, e kjo shihet edhe nga orari në video. E shëmtuar kur e dëgjon e jo më kur e shikon.
