Një aksident automobilistik është regjistruar mëngjesin e kësaj të diele, rreth orës 06:15, në aksin rrugor Tiranë -Elbasan në afërsi të Rrethrrotullimit të Bradasheshit.
Në aksident mësohet se janë përfshirë tre automjete, ku njëri prej tyre ka dalë jashtë rruge dhe është përmbysur.
Si pasojë e përmbysjes ka pësuar dëmtime të lehta një grua shtatzënë, e cila fatmirësisht ndodhet në gjendje të mirë.
Ndërkohë policia ka mbërritur në vendngjarje dhe po punon për zbardhjen e shkaqeve të aksidentit.
