Një anëtar i dytë i Asamblesë Kombëtare të Francës është dërguar në spital pas infektimit me koronavirus dhe pesë ligjvënës të tjerë janë duke u testuar për virusin vdekjeprurës, tha presidenca e dhomës së ulët në një deklaratë të shtunën.
Kuvendi nuk publikoi emrat e dy ligjvënësve që janë prekur nga koronavirusi, por mediat lokale në rajonin lindor të Alsace kanë raportuar se njëri prej dy ligjvënësve është Jean-Luc Reitzer, i cili përfaqëson një nga departamentet më të prekur nga shpërthimi dhe është aktualisht nën kujdes intensiv, raporton Reuters.
Ligjvënësi i dytë është një grua, sipas deklaratës së parlamentit.
Seancat në dhomën e ulët do të ndërpriten për dy javë nga 9 Mars dhe 22 Mars për shkak të zgjedhjeve bashkiake që po zhvillohen në të gjithë Francën, duke ulur aktivitetin dhe numrin e njerëzve të pranishëm në ndërtesë, tha kuvendi.
