Një aksident i rëndë automobilistik është regjistruar mbrëmjen e kësaj të shtune në Elbasan.
Mësohet se një ambulancë është përplasur me një makinë tip “Golf 6” dhe për pasojë është plagosur rëndë një grua, e cila po udhëtonte në mjetin privat si pasagjere.
Aksidenti ka ndodhur në aksin Elbasan-Bradashesh, pranë një supermarketi.
Gruaja është dërguar me urgjencë në sp[italin e Elbasanit.
Shkak për aksidentin dyshohet të ketë qenë lagështia në rrugë për shkak të motit me reshje shiu dhe shpejtësia e lartë.
Policia ndodhet në vendngjarje dhe po punon për zbardhjen e shkaqeve të aksidentit, por ende nuk ka një njoftim zyrtar.
