Mbrëmjen e djeshme, St. Etienne mori një fitore të madhe, duke mundur skuadrën e Rennes 2-1 në gjysmëfinalen e Kupës së Francës.
Për të arritur këtë fitore, St.Etienne, iu desh të përmbyste rezultatin teksa ishin miqtë ata që kaluan të parët në avantazh, me anë të Mbaye Niang në minutën e 33-të.
Më pas për St.Etienne, Kolodziejcak barazoi shifrat në minutën e 43-të, ndërsa në sekondat e fundit të takimit, Boudebouz çoi në delir të gjithë tifozerinë vendase, duke shënuar golin e fitores.
St. Etienne i bashkohet kështu PSG-së në finalen e Kupës së Francës, finalja e parë e tyre pas plot 38 vitesh. Festa e tifozëve ishte e jashtëzakonshme, me të gjithë që u futën në fushën e blertë pas vërshëllimës finale.
Good old fashioned pitch invasion from the St Étienne faithful as they reach the Coupe de France final for the 1st time in 38 years. https://t.co/GG3r1REJJS
— Get French Football News (@GFFN) March 5, 2020
