Pak ditë më parë u luajt ndeshja mes Everton-it dhe Manchester United e përfunduar në barazim 1-1.
Në atë ndeshje, trajneri i Evertonit, Carlo Ancelotti, protestoi ashpër ndaj arbitrit për një gol të anuluar. Fill pas ndeshjes për teknikun italian u hap një hetim, por në fund Federata njoftoi se ka vendosur të mos e pezullojë atë, duke e dënuar me një gjobë prej 9500 euro.
Në këtë mënyrë Ancelotti do të ulet rregullisht në pankinë në ndeshjen e kësaj fundjave që do të luhet në “Stamford Bridge” përballë të shkuarës së tij, Chelseat. Ish-trajneri i Milanit është një nga më të mirët në botë duke arritur të koleksionoi ndër të tjera edhe 3 herë Ligën e Kampioneve.
