Një aksident i rëndë ka ndodhur në orët e mbrëmjes në autostradën Tiranë-Durrës.
Një burrë ende i paidentifikuar mësohet se ka humbur jetën, pasi është përplasur nga një automjet që drejtohej nga një 21-vjeçare.
“Rreth orës 20:35, në autostradën Durrës-Tiranë, një mjet me drejtuesen shtetasen K.G., 21 vjeçe, në rrethana ende të paqarta ka aksidentuar një shtetas ende të paidentifikur i cili si pasojë i plagëve të marra, ka ndërruar jetë. Drejtuesja e mjetit është shoqëruar në Komisariatin Nr.6 për veprime të metejshme. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes”, njoftoi policia.
Efektivët ndërkohë kanë devijuar qarkullimin në rrugën dytësore.
