Presidenti i Uefas, Aleksandër Ceferin përsërit qëndrimin e tij kritik për sistemin VAR. Siç ka lajmëruar edhe më parë së shpejti do të ketë ndryshime të kësaj teknologjie. Slloveni mori shembullin e pozicionit jashtë loje, ku 1cm jashtë loje mund të tolerohet.
Slloveni flet edhe për rastet se kur duhet të ndërhyjë teknologjia VAR dhe zbulon se po diskutohet edhe për rastet e prekjes së topit me dorë dhe pasojat që do të ketë një “gafë” e tillë.
“Një cm offside nuk është pozicion i parregullt, nuk është ky qëllimi i rregullores. Do të duhet një gabim i qartë që të ndërhyjë VAR-i. Rrezikohet të prishet sezoni i një skuadre për 1 cm. Mendoj se një tjetër problem është ai i prekjes së topit me dorë, por nuk e di se çfarë do të bëjmë në lidhje me këtë temë. Po diskutojmë shumë me drejtuesit e arbitrave në lidhje me këtë temë“.
