Rovena Stefa është një nga këngëtaret më të dashura dhe më të pëlqyera nga publiku shqiptar. Ajo dhe hitet e saj të shumta kanë ditur ti rezistojnë kohës. Rovena pas një pauze te shkurtër ka menduar të rikthehet me projekte të reja.
E ftuar së fundmi në “Vizioni i Pasdites” në Vizion Plus, Rovena ka folur edhe për planet e saj për dasmën.
“Kam 10 vite që vetëm martoj të tjerët dhe shpresoj që të ma kthej zoti që kam martuar kaq shumë të më martojë edhe mua. Kjo martesa në Shqipëri është kështu, “Po hë mi Rovena se gjete akoma ndonjë” dhe unë rri kështu si fajtore. Ju përgjigjem hajt si ta ketë shkruajtur zoti çfarë t’u them. Edhe këtë verë e sigurt s’kam kur të martoj veten se kur janë zënë ato datat kryesore unë i them me kismet nga Shtatori fundi i Shtatorit sepse nuk kam vend të martohem”- ka thënë Rovena.
Pyetjes së moderatores se kush do të këndojë në dasmën e saj ajo u përgjigj: “Në dasmën time unë do marr vetëm një orkestër sepse nuk dua fare të më këndoj askush sa aq shumë kam kënduar unë sa që dua thjesht një orkestrale të lehtë. Atyre njerëzve do iu them çfarë muzike doni, kur të më martoni mua unë do iki me makinën me kanaçe e ju vazhdoni bëni aheng. Unë jam lodhur nga ahengu, nga qejfi . Kur e ke punën e lidhur punë me këtë edhe gëzimin tim nuk e shoh ashtu. Kjo është një dëshirë e imja sepse e di që kur të martohem aty do të plasë rrëmuja, miqtë e mi, artistët do këndojnë e do kërcejnë, sigurisht që do gëzojnë – ka përfunduar Rovena.
