Presidenti i vendit Ilir Meta do të takoj sot në Tiranë homologun e Bullgarisë, Rumen Radev, pas ftesës së kreut të shtetit shqiptar.
Lajmin e ka bërë të ditur Presidenca ku njofton se takimi do të mbahet në pallatin e Brigadave në orën 10:20.
Kujtojmë se edhe në Bullgari njësoj si në vendin tonë ka një përplasje mes presidentit dhe kryeministrit.
Pas akuzave se është i përfshirë në pastrimin e parave dhe për lidhjen me elementë të krimit të organizuar, kryeministri i Bullgarisë Boyko Borissov i hodhi poshtë me pretendimin se pas tyre qëndron presidenti Rumen Radev, për ta goditur.
Radev ka fituar mbështetjen popullore në Bullgari duke qenë një kritik i fortë i Borissov-it, të cilin ai e akuzon për tendenca autokratike.
“Me ftesë të Presidentit të Republikës, Sh.T.Z Ilir Meta, vjen për një vizitë shtetërore në Shqipëri, Presidenti i Bullgarisë, Sh.T.Z. Rumen Radev.
Pritja shteterore do të zhvillohet në Pallatin e Brigadave në orën 10:20.
Ju lutem transmetim LIVE.” – thuhet në njoftimin e Presidencës.
