Policia ka vënë në pranga një 31 vjeçar lidhur me një grabitje të regjistruar në orët e para të mëngjesit të djeshëm.
Personi i arrestuar është shtetasi me iniciale R.Ç. banues në fshatin Pekisht, Peqin.
“Ky shtetas dyshohet se në orët e para të mëngjesit të djeshëm, ka vjedhur me thyerje në banesën e shtetasit H. M., ku ka marrë 800.000 lekë dhe 500 €” – thuhet në njoftimin e Policisë.
Gjithashtu bëhet me dije se vijon puna për gjetjen e shumës së parave, të cilat dyshohet se i ka fshehur.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Vjedhja”.
