Kryeministri Edi Rama emëron avokaten e tij personale në krye të Avokaturës së Shtetit. Vendimi është marrë në mbledhjen e sotme të Qeverisë.
“Në mbështetje të nenit 100 të Kushtetutës dhe të pikës 1, të nenit 21, të ligjit nr.10018, datë 13.11.2008, ‘Për Avokaturën e Shtetit’, të ndryshuar, me propozimin e Kryeministrit, Këshilli i Ministrave vendosi Znj. Enkelejda Muçaj emërohet Avokat i Përgjithshëm i Shtetit. Ky vendim hyn në fuqi menjëherë”, thuhet në VKM.
Enkelejda Muçaj ka përfaqësuar kryeministrin Edi Rama në një pjesë të konsiderueshme të gjyqeve me përfaqësues të opozitës.
Sipas CV-së së avokates, në vitet 1998-2000, Enkelejda Muçaj ka pasur edhe një rol si Këshilltare Ligjore e Ministrit të Kulturës dhe Rinisë së asaj kohe, Edi Rama.
Muçaj zëvendëson në këtë post Artur Metanin, i cili ka marrë detaren e Inspektoratit të Lartë të Drejtësisë.
