“Ka pasur (në manifestim) dhe shumë shqiptar-amerikane që kishin ardhur me Flamurin e Amerikës”. Kështu u shpreh Presidenti i Republikës Ilir Meta, në përgjigje të pyetjes për një reagim ndaj deklaratave të ambasadores amerikane në Tiranë Yuri Kim. Kim, në përfundim të tubimit tha se
“U befasova kur pashë flamurin amerikan në “manifestimin” e sotëm. Për të shmangur çdo konfuzion, dëshirojmë të sqarojmë se ndërsa SHBA mbështesin të drejtën e protestës paqësore, ne nuk kemi asnjë lidhje me “manifestimin” e natës së sotme”, shkroi ambasadorja në Twitter.
Në studion e emisionit “Çim Peka Live”, Metës iu kërkua një reagim i parë.
“Nuk e di se për çfarë deklarate bëhet fjalë se skam pas kohë të ndjek lajmet në tërësi për shkak të takimeve me mjaft personalitete. Kam pasur dhe shumë shqiptar-amerikane që kishin ardhur me flamurin e Amerikës”, tha Presidenti.
Pyetje: Rasti i parë që një ambasadore amerikane reagon me habi për praninë e një flamuri në një protestë, s’besoj se është e painformuar që shqiptarët janë mbështetës së Amerikës…
“Kam 0 koment për këtë çështje mesazhet e mia janë shumë të qarta. U habita se pas meje kishin shumë flamurë ku aty ishin shumë shqiptaro-amerikanë, shtoi Meta. /BoldNews.al/
