Autoritetet italiane kanë goditur një rrjet trafikimi droge, në megaoperacionin e koduar “Kitchen” i cili u ekzekutua në orët e para të mëngjesit të sotëm.
Në këtë operacion ishin të angazhuar policia italiane, si dhe me autoritetet policore të Shqipërisë, Belgjikës, Gjermanisë, Rumanisë e Spanjës.
Në pranga janë vënë 35 shtetas mes të cilëve katër janë shqiptarë. Ata akuzohen pë pjesëmarrje në aktivitet kriminal në trafikun e lëndëve narkotike, magazinim e shitblerje droge, grabitje, dhunë e qëllimshme si dhe trafik e armëmbajtje ilegale.
Kokaina nga Holanda në Itali – Hetimet zbardhën fillimisht aktivitetin kriminal të një grupi të përbërë nga afrikano-veriore që trafikonin sasi të mëdha hashashi e që vepronin në partneritet me një grup shqiptarë që importonin kokainë nga Hollanda e furnizonin klientë të shumtë mes të cilëve dhe një trafikant mjaft të njohur në territorin e Breshës.
Ky grup përbëhej nga 4 shqiptarë e nga një shtetase rumune përgjegjëse për tarfikimin e sasive të konsiderueshme kokainë nga Hollanda në Itali.
Aktiviteti investigativ zbardhi se ky grup e fshihte drogën në çatinë e një lavanderie në territorin e komunës Rovato.
Sipas autoriteteve policore italiane trafikantët e përfshirë në këtë operacion trafikonin rreth 8 kg koakinë në muaj për një aferë biznesi të shitjes me shumicë me vlerë 2 milionë e gjysëm euro.
Gjatë operacionit janë ekekutuar masa arresti dhe ndaj personave të tjerë shtetas marokenë e italianë bashkëpunëtorë me këto dy grupe trafikantësh.
Operacioni – është ndërmarrë nga autoritetet policore të Breshës kanë ekzekutuar mega operacionin e koduar “Kitchen” i koordinuar nga Shërbimi Qëndror Operativ në bashkëpunim me repartet policore në Alessandria, Como, Monza, Brianza, Pavia, Ferrara e Verona si dhe me autoritetet policore të Shqipërisë, Belgjikës, Gjermanisë, Rumanisë e Spanjës.
