Një 34-vjeçar është dëmtuar rëndë si pasojë e një aksidenti me zetorin e tij. Ai ka humbur kontrollin dhe është përmbysur, teksa ishte duke punuar tokën me traktor.
Aksidenti ka ndodhur mesditën e sotme në fshatin Dhores, në komunën Qëndër në rrethin e Skraparit.
Mësohet se 34-vjeçari i plagosur është Armando Hyska, i cili mësohet se mbërriti në spitalin e Beratit në gjendje të rëndë, me palgë të shumta në të gjithë trupin dhe me të dyja këmbët e gjymtuara.
Sipas burimeve zyrtare të Repartit të Kirurgjisë në Spiatalin e Beratit, i plagosuri mori mjekimin e parë dhe u nis drejt Spitalit të Traumës në Tiranë.
Ende nuk dihen rrethanat që çuan në këtë aksident të rëndë, ndërkohë që grupi hetimor po punon për zbardhjen e plotë të ngjarjes.
