Presidenti i Kukësit, Safet Gjici, ka komentuar mbi shkarkimin e Shpëtim Duros nga skuadra verilindore.
Gjici ka deklaruar se pësimi i golave në fund të ndeshjeve, gjatë javëve të fundit kërkonte ndryshim në pankinë por gjithashtu ka theksuar se situata te Kukësi nuk ishte i gjithi faji i Duros.
“Ishim të detyruar të ndryshonim. Sot nuk na falet që pësuam gol në shtesë. Nuk është vetëm faji i trajnerit, por nuk mund të heqim lojtarët. Llogaritet gjithë sezoni, duhej një ndryshim”,- thotë Gjici.
“Ka 3 ndeshje që në fund pësojmë gol, trajneri duhet ta kishte gjetur zgjidhjen. Ndodhi sërish, ndaj duhej të ndërhynim para se të ishte shumë vonë. Duhet ndoshta një frymë e re në ekip. Besoj do gjejmë trajner që të marrë 100% nga ekipi, që është cilësor”.
Pritet që trajneri i ardhshëm i Kukësit të jetë Skënder Gega.
