Sevilla fitoi 3-2 në sekondat e fundit ndaj Osasunës, në një ndeshje që u mendua plotësisht e mbyllur që në pjesën e parë.
Vendasit fillimisht kaluan në avantazh në minutën e 13-të me anë të En Nesyri-t. Sulmuesi maroken mori një asist nga Torres dhe mposhti portierin mik.
Në minutat shtesë të pjesës së parë erdhi edhe dyfishimi. Torres dhuroi një tjetër asist, kësaj radhe për Ocampos. Argjentinasi kërceu bukur me kokë dhe dërgoi topin në rrjetë.
Në pjesën e dytë ndëshkimi me karton të kuq i futbollistit të Osasunës, Herrera, me të drejtë dha përshtypjen se gjithçka ishte e mbyllur. Por miqtë kishin të tjera ide pasi edhe pse me 10-të lojtarë arritën të barazonin rezultatin me dy golat të shënuar nga Aridane dhe Torres në minutat 64’ dhe 74’.
Por surprizat e ndeshjes nuk mbaruan me kaq, pasi En Nesyri u shfaq përsëri në skenë, duke shënuar golin e fitores së madhe në minutën e 93-të shtesë. Mjafton kaq dhe tifozët vendas shpërthejnë në gëzim.
Ky rezultat e katapulton skuadrën në vendin e tretë në kuotën e 46 pikëve .
