Vittorio Cecchi Gori, ish-presidenti i Fiorentinës është arrestuar për krime financiare dhe mashtrim fiskal.
Sipas agjencisë së lajmeve “Ansa”, 77-vjeçari u mor nga autoritetet ditën e djeshme pasi humbi dhe fazën e fundit të procesit të apelit të tij. Sipas vendimit të Gjykatës së Apelit ai duhet të shlyejë 8 vite, e 5 muaj burg.
Cecchi Gori ka qenë President i Fiorentinës nga viti 1993 deri në vitin 2002, udhëheqja e cila rezultoi dhe në falimentimin e klubit në atë kohë.
