Pas 18 fitoreve me radhë në Premier League dhe 27 ndeshjeve pa humbje, Liverpooli më në fund është mposhtur.
Është Watfordi skuadra që ndali hovin e ekipit të Jurgen Klopp, duke ia shkaktuar humbjen e parë këtë sezon në Premier League dhe i ka prishur planet ‘Redsave’, që synonin titullin kampion pa humbje ashtu si Arsenali i Arsene Wenger, në vitin 2003/04.
Watford gjeti golin e parë në këtë ndeshje me anë të Ismaila Sarr, i cili mposhti Alisson Becker në minutën e 54’.
Gjashtë minuta më vonë, Sarr shënoi edhe golin e dytë personal, duke dyfishuar avantazhin e vendasve. Troy Deeney shënoi duke “vulosur” rezultatin përfundimtar të takimit 3:0.
Liverpool kryeson bindshëm Premier Leaguen me 79 pikë, 18 më shumë se Manchester City i vendit të dytë.
