Ministria e Shëndetësisë dhe Mbrojtjes Sociale informon se mëngjesin e sotëm ka përfunduar testimi i tre rasteve të reja të dyshuara me koronavirus në laboratorin e virologjisë në Institutin e Shëndetit Publik. Personat e testuar kishin histori udhëtimi me vendet e prekura nga COVID-19, por analizat rezultuan negative (të paprekur).
Deri në këto momente janë testuar 26 raste për koronavirusin e ri.
Shqipëria, sipas MSH-së, mbetet e paprekur nga koronavirus.
Ndërkohë, në Botë, numri i të prekurve nga virusi i ri vijon të rritet. 47 persona kanë humbur jetën në Kinë, duke e çuar numrin e viktimave nga koronavirusi në 2.835. Janë 427 raste të reja sot, duke e duke e çuar numrin e përgjithshëm të të prekurve në 79.2251. Koreja e Jugut ka konfirmuar 594 raste të reja të infeksionit në krahasim me dje dhe tre vdekje të tjera: rritja më e madhe në vend që nga fillimi i epidemisë. Aktualisht janë 2,931 persona të prekur nga virusi. Numri i përgjithshëm i vdekjeve u rrit në 16.
Në Itali, numri i të infektuarve ka shkuar në 822 persona, përfshirë këtu 21 personat që kanë humbur jetën dhe ata që janë shëruar.
Për sa i përket Rajonit, Greqia shënon 4 të prekur. Virusi ka prekur po ashtu Kroacinë dhe Maqedoninë e Veriut. /BoldNews/
Ministria e Shëndetësisë publikon 10 rregullat për t’u ndjekur, me qëllim mbrojtjen nga koronavirusi.
