Një shqiptar ka humbur jetën në Itali pas një aksidenti në punë, raportuan këtë të shtunë mediat lokale. Sipas të njëjtave burime, viktima është Bashkim Toska, 59 vjeç, me banim në Boves, Cuneo.
Aksidenti ndodhi mëngjesin e së mërkurës. Ai ishte duke punuar në një kantier ndërtimi në Limone Piemonte, për llogari të një firme torineze. Në një moment, një pllakë çeliku e zë poshtë.
59-vjeçari u transportua në spital me helikopter, por nuk mundi të mbijetojë. Një ditë më parë, ai ndërroi jetë në repartin e reanimacionit në spitalin “Santa Croce” në Cuneo.
Një hetim ka nisur lidhur me ngjarjen nga autoritet lokale.
/BoldNews/
