Nga Basir Çollaku
Konsumon live vepër penale. Lajmëron se do mbrojë krimin e pastrimit të parave masivisht dhe plot të tjera. I kërrusur, plakur, arrogant i thinjur, mburravec i vetëlicensuar, Edi Rama në kongresin e socialistëve konkuroi me gruan e tij Lindën, për duartrokitje dhe bëma, të cilat i kanë draftuar bashkërisht në Surrel. Pas takimit me Lavrov në kuadër të vëllazërimit të premtuar prej tij të Rusisë me Ukrainën, KM ynë kishte hapur thesin e çudisë duke çuditur shpikjet në ofertat imagjinare 3D.
Zgjatoi të bërtiturat nën efekte kimike dhe dyshuese, duke kërkuar 800 mijë vota. I dua deklaroi KM kryesocialist dhe bëni provë, kërcënoi, të kërkoni pushtet pa mua, se do zbytheni nga zyrat e shtetit të mallkuar. Nën praninë e dashur të akullores së Durrësit dhe shokut të ngushtë Gramoz, ia valoi me premtime që bënin tepsinë e 2017-ës të ikte me vrap e të dukej lule.
Legalizoj çdo shtëpi në fshat, por në qytet kemi ca punë se janë investime, kulla e koncensione ngatërruese. Japim tapi për të gjitha tokat nëpër katunde, se në bregdet dhe qytet i kemi plaçkitur. Pastrojmë lekë nëse nuk na del droga e terrorizmi. Nga do të vijnë. Sillini tha globalisti në kongres. Mos i mbani andej jashtë apo këndej fshehur. Amnistia trokiti. Duhen paratë, do të zbardhen ato të shkreta se mezi u bënë. Ky pastrim parash lajmëruar sot nga Rama është dhe fondi për kriminalizimin e ri të pushtetit.
OFL e gjeti më në fund formulën e shkarkimit, atë të kompromisit dhe të fortët do të marrin frymë lirisht, se kontrata po rikthehet. Edhe nëse duan apo s’duan ndërkombëtaret, tha Rama, ne do ta bëjmë. Se mos ka pjerdhur për ndërkombëtarët Rama këto 7 vitë dhe do ndërrojë tani. As më kërcet për BE u kanos Rama në prag të vendimit të Brukselit, për ta ndëshkuar sërish me përgjigje negative. Po ndërton alibinë e dështimit me tersëllëmë. Koha për të pastruar para kriminale të fshehur kudo. Madje këto ofshoret tani e kanë rrugën e hapur. Se aty nuk del drogë e terrorizëm.
Bankat duhet të pranojnë se hetimi nuk do i prekë Nëse një prokuror në këtë vend ka televizor, e ndez dhe e dëgjon Edi Ramën, duhet ta marrë të pandehur atë. Me kaq duhet arrestuar dhe kemi vepër penale të konsumuar publikisht. Perveç kanosjes së rendit publik dhe sigurisë kombëtare, të cilave u vë zjarrin me këtë katrahurë, ku ai vë veten të plotfuqishëm.
Mos prisni të flasë Kraja dhe Çela.
SPAK dhe Prokuroria e Përgjithshme po merren me gjelbërimin…
/Shijaktv.al
