Gjykata e Lezhës vendosi lirimin e kreut të Dhomës së Tregtisë, Pashk Palokaj, i arrestuar tre ditë më parë në kuadër të një hetimi për humbjen e jetës së një punëtori në një pallat në ndërtim.
Gjykata vendosi që Pashk Palokaj të hetohet me masën e sigurisë “arrest shtëpie”.
Pavarësisht kërkesës së Prokurorisë për ta mbajtur në burg, togat e zeza vendosën se masa nuk i përgjigjet rrethanave të faktit .
Po ashtu Gjykata e Lezhës ndryshoi masen nga “arrest në shtëpie” në “detyrim paraqitje” edhe për Manuela Lalën, drejtuesen e punimeve ku humbi jetën punëtori 8 muaj më parë.
Biznesmeni Pashk Palokaj, njëherazi kreu i Dhomës së Tregtisë Lezhë dhe një punonjëse e kompanisë që ai administron janë vënë nën akuzë nga prokuroria e Lezhës për shkelje të rregullave të sigurisë në punë dhe për punësim të paligjshëm.
Vendimi i gjykatës për të liruar Palokajn u përshëndet edhe nga Dhoma e Tregtisë në Lezhë.
