Përhapja e koronavirusit në Itali po bëhet gjithnjë e më shumë alarmant, pasi shifrat po vijnë gjithnjë e në rritje.
Mediat vendase raportojnë se ka shkuar në 21 numri i viktimave, ndërsa deri më tani regjistrohen plot 821 të infektuar nga ky virus vdekjeprurës.
Virusi ka prekur kryesisht veriun e Italisë, ku në Milano janë vendosur në karantinë mbi 50 mijë persona. Por, raste të të infektuarve janë shfaqur edhe në jug të vendit, si dhe në shumë vende të tjera të Ballkanit Perëndimor.
Koronavirusi shpërtheu në Kinë, në fund të muajit dhjetor, dhe tashmë ka prekur të gjitha kontinentet.
