Lojtari i Wolverhampton në Premier League, Adama Traore, ka zbuluar se historia e jetës së tij fare mirë mund të kishte shkuar në një drejtim tjetër.
Sulmuesi i cili ka lindur në Barcelonë me prindër nga Mali, në një intervistë për “AS” ka treguar për fëmijërinë e tij, duke thënë po të mos ishte për pasionin që kishte për futbollin, fare lehtë mund të ishte pjesë e getove dhe të shiste drogë.
“Unë, vëllain im dhe disa shokë dominikanë na ftonin shpesh grupet e rrugës për t’u bërë pjesë e tyre. Ishte pjesëmarrja në këto grupe që të bënte popullor. Ne kishim mentalitet tjetër, pasi donim të bëheshim futbollistë. Shihnim sherre çdo ditë, por nuk donim që të ishim pjesë e tyre.
“Jam bërë pjesë e sherreve, sepse kishte grupe të fortësh në shkollën ku isha. Ata luftonin për të qenë në krye. Kam parë armë, përplasje me thika, shishe dhe gjithçka tjetër. Ata më ftonin shpesh për të qenë pjesë e tyre dhe për të shitur drogë, por nuk u tundova kurrë”, – tha Adama Traore.
