Presidenti i Republikës, Ilir Meta gjatë ditës së sotme, ka pritur në Presidencë ambasadorët e disa përfaqësive diplomatike në Tiranë, me të cilët ka biseduar rreth zhvillimeve të fundit në vend.
Mësohet se Meta ka zhvilluar takim me ambasadorin e Spanjës, Holandës dhe Suedisë.
Kreu i shtetit ka diskutuar me ambasadorët rreth arsyeve përse ka thërritur manifestimin kombëtar të 2 marsit. Meta ka shpjeguar tetë hapat që sipas tij kanë çuar drejt “grushtit të shteti” nga ana e mazhorancës, mes tyre dhe tentativën për të kapur Gjykatën e Lartë dhe Kushtetuese.
Këto janë takimet e para që presidenti Meta zhvillon me trupën diplomatike në Tiranë përpara manifestimit të 2 marsit.
