Përhapja e koronavirusit ka arritur në një “pikë vendimtare” dhe ka “potencial pandemik”, thotë kreu i Organizatës Botërore të Shëndetit, Dr Tedros Ghebreyesus.
Komentet e tij vijnë ndërsa vendet në mbarë botën luftojnë për të parandaluar përhapjen e virusit më tej. Për një ditë të dytë, më shumë raste janë raportuar jashtë sesa brenda Kinës. Irani dhe Italia janë bërë qendra të mëdha infeksioni, me njerëz që udhëtojnë prej andej duke përhapur virusin më larg.
Disa zyrtarë të profileve të lartë iranianë janë infektuar, i fundit është Zëvendëskryetar për Çështjet e Grave dhe Familjes Masoumeh Ebtekar. “Çfarë është ajo që po ndodh në pjesën tjetër të botës që tani është shqetësimi ynë më i madh,” tha Dr Tedros.
