Koronavirusi prek dhe Greqinë. E infektuara është një grua 38-vjeçare në Selanik, e cila kohët e fundit udhëtoi për në Italinë Veriore.
Njoftimi u bë nga Sotiris Tsiodras, një zëdhënës i ministrisë së shëndetësisë i cili tha se “sëmundja mbetet e butë në shumicën e rasteve”, duke theksuar se “rregullat e higjienës duhet të respektohen”.
Ai shtoi se “ata që kanë udhëtuar në veri të Italisë duhet të jenë vigjilentë dhe nëse shfaqin simptoma të qëndrojnë në shtëpi dhe kontaktojnë autoritetet”.
Gruaja e prekur po mjekohet në AHEPA-Spitalin Universitar të Selanikut dhe raportohet se është në gjendje të mirë shëndetësore. Raportohet se ata që ishin në kontakt me gruan u izoluan vullnetarisht.
“Kathimerini” shkruan se qeveria ka marrë një sërë masash për të parandaluar përhapjen e virusit, si mbyllja e shkollave, bizneseve e deri te teatrot dhe kinematë, duke kufizuar dhe transportin publik.
/Boldnews.al/
