Bib Ndreca, gjyqtari i Gjykatës së Posaçme kundër Korrupsionit dhe Krimit të Organizuar, ka dalë ditën e sotme pata Komisionit të Pavarur të Kualifikimit për t’u njohur me rezultatet e verifikimit për ligjshmërinë e pasurisë.
Mësohet se në nisje të seancës dëgjimore ka pasur një debat mes gjyqtarit dhe trupës së vettingut që përbëhet nga Xhensila Pine, Etleda Çiftja dhe Pamela Qirko.
Bib Ndreca ka kërkuar rihapje të hetimit administrativ pasi komisioni ka vendosur ta rivlerësojë vetëm për kriterin e pasurisë, ndërsa gjyqtari kërkoi rivlerësimin edhe për dy kriteret e tjera pastërtinë e figurës dhe aftësinë profesionale.
Gjithashtu ai ka pretenduar se nuk i është lënë kohë që të përgatisë mbrojtjen për shkak se nga momenti që mori raportin e KPK-së seanca dëgjimore u caktua shume shpejt.
Në fund seanca dëgjimore është shtyrë për në datën 3 mars.
Gjyqtari Bib Ndreca ka mbaruar Shkollën e Magjistraturës në vitin 2009 dhe është emëruar gjyqtar në Gjykatën e Tropojës. Në vitin 2013, Ndreca është emëruar kryetar i Gjykatës së Pukës, ndërsa në vitin 2015 është dekretuar si anëtar i Gjykatës së Shkallës së Parë për Krime të Rënda.
Ndreca është aktualisht gjyqtar i përkohshëm në Gjykatën e Posaçme kundër Korrupsionit dhe Krimit të Organizuar. Për një emërim të përhershëm, atij i duhet të kalojë me sukses procesin e vetingut.
Skeda e pasurisë e gjyqtarit Bib Ndreca, dhurata dhe hua për të mbuluar shpenzimet
