Pas humbjes së Besës kundër Pogradecit në Peqin u përfol për një largim të mundshëm të trajnerit të skuadrës Gugash Magani. 54-vjeçari pas humbjes pati deklaruar se pozicioni i tij në klub do të rishikohej.
Ndërsa sot “Panorama Sport”, raporton se Gugash Magani ka dhënë dorëheqjen e parevokueshme nga skuadra kavajase.
Tashmë vendin e tij, pritet ta zërë Ndriçim Kashami. 50 vjeçari ka drejtuar më parë Egnatian, Besëlidhjen, Apoloninë, por edhe Besën e Kavajës.
Kujtojmë që Besa ndodhet në vendin e katërt të renditjes në Grupin B, të Kategorisë së Parë, me 24 pikë.
